Transmeton Ebu Hurejre se i Dërguari i Allahut (s.a.v.s.) ka thënë: "O ju njerëz! Vërtet Allahu është i Mirë dhe nuk pranon asgjë tjetër përveç asaj që është e mirë. Allahu i ka urdhëruar besimtarët me atë që i ka urdhëruar të Dërguarit. Ai ka thënë: 'O ju të Dërguar! Hani nga të mirat dhe bëni vepra të mira. Unë jam vërtet i Gjithëdijshëm për atë që punoni.' (23:51). Dhe ka thënë: 'O ju që keni besuar! Hani nga të mirat me të cilat ju kemi furnizuar.' (2:172). Pastaj ai (s.a.v.s.) përmendi një burrë, i cili ndërmerr një udhëtim të gjatë, i shpupuritur e i pluhurosur, që i ngre duart drejt qiellit duke thënë: 'O Zoti im! O Zoti im!', ndërsa ushqimi i tij është haram, pija e tij është haram, veshja e tij është haram dhe është ushqyer me haram. Atëherë, si mund t'i pranohet lutja atij?"