Transmeton Abdullahu se i Dërguari i Allahut (s.a.v.s.) ka thënë: "Kushdo që bën një betim të rrejshëm për të përvetësuar pasurinë e një muslimani, do ta takojë Allahun ndërsa Ai është i zemëruar me të." El-Esh’ath bin Kajsi tha: "Pasha Allahun, kjo ishte për mua! Kishte një mosmarrëveshje mes meje dhe një burri prej hebrenjve për një tokë, të cilën ai ma mohoi. Unë e paraqita çështjen te Pejgamberi (s.a.v.s.) dhe i Dërguari i Allahut (s.a.v.s.) më tha: 'A ke ndonjë dëshmi?' Unë thashë: 'Jo.' Atëherë ai i tha hebreut: 'Betohu.' Unë thashë: 'O i Dërguari i Allahut, atëherë ai do të betohet dhe do të ma marrë pasurinë.' Atëherë Allahu i Madhëruar shpalli ajetin: 'Vërtet, ata që për një çmim të pakët e shesin besën e dhënë Allahut dhe betimet e tyre...' deri në fund të ajetit."