Transmeton Aliu: Unë jam një njeri që, kur dëgjoj një hadith nga i Dërguari i Allahut (s.a.v.s.), Allahu më bën të përfitoj prej tij aq sa Ai dëshiron. Kur më tregon ndonjë nga shokët e tij, unë i kërkoj të betohet, dhe nëse betohet, unë i besoj. Më ka treguar Ebu Bekri – dhe Ebu Bekri ka thënë të vërtetën – se e ka dëgjuar të Dërguarin e Allahut (s.a.v.s.) të thotë: "Nuk ka asnjë njeri që bën një mëkat, pastaj ngrihet, merr abdest, fal namazin dhe kërkon falje nga Allahu, e që Allahu të mos e falë atë." Pastaj ai lexoi këtë ajet: "Edhe ata të cilët, kur bëjnë ndonjë vepër të turpshme ose i bëjnë padrejtësi vetvetes, e kujtojnë Allahun dhe kërkojnë falje për mëkatet e tyre..." deri në fund të ajetit.