Transmeton Abdullah ibn Mesudi: Ai u pyet rreth fjalës së Allahut: "Kurrsesi mos i konsideroni të vdekur ata që janë vrarë në rrugën e Allahut. Përkundrazi, ata janë të gjallë, duke u ushqyer te Zoti i tyre" (3:169). Ai tha: "Ne kemi pyetur për këtë dhe jemi informuar se shpirtrat e tyre janë në brendësi të zogjve të gjelbër që shëtisin nëpër Xhenet kudo që dëshirojnë, e pastaj strehohen te kandilat e varur në Arsh. Zoti juaj i shikon ata dhe u thotë: 'A dëshironi diçka më shumë që t'ua shtoj?' Ata thonë: 'O Zoti ynë! Çfarë mund të kërkojmë më shumë, kur jemi në Xhenet dhe shëtisim kudo që duam?' Pastaj Ai i shikon për herë të dytë dhe u thotë: 'A dëshironi diçka më shumë që t'ua shtoj?' Kur e shohin se nuk do të lihen pa kërkuar diçka, ata thonë: 'Na i kthe shpirtrat tanë në trupat tanë, që të kthehemi në këtë botë e të vritemi në rrugën Tënde edhe një herë tjetër'." Në një transmetim tjetër shtohet: "Dërgojani selamin tonë Pejgamberit (s.a.v.s.) dhe njoftojeni atë se ne jemi të kënaqur dhe se Ti je i kënaqur me ne."