Transmeton El-Bera bin Azibi: Kur u shpall ajeti: "Nuk janë të barabartë ata besimtarë që rrinë (në shtëpitë e tyre)", Amr bin Umm Maktumi erdhi te Pejgamberi (s.a.v.s.). Ai ishte i verbër dhe tha: "O i Dërguari i Allahut! Çfarë më urdhëron të bëj? Me të vërtetë unë jam i verbër." Atëherë Allahu i Madhëruar shpalli këtë pjesë të ajetit: "përveç atyre që kanë ndonjë të metë (paaftësi)." Atëherë Pejgamberi (s.a.v.s.) tha: "Më sillni një asht shpatulle dhe mjetin e shkrimit (shishen e bojës)" - ose tha: "Më sillni një pllakë dhe mjetin e shkrimit."