Transmeton Zejd bin Thabiti: Pejgamberi (s.a.v.s.) më diktoi: "Nuk janë të barabartë ata besimtarë që rrinë dhe ata që luftojnë në rrugën e Allahut." Atëherë erdhi Ibn Umm Maktumi, ndërkohë që ai po ma diktonte këtë, dhe tha: "O i Dërguari i Allahut! Për Allahun! Sikur të kisha mundësi për Xhihad, do të merrja pjesë në të." Ai ishte një njeri i verbër. Atëherë Allahu i zbriti shpallje të Dërguarit të Tij (s.a.v.s.) – ndërsa kofsha e tij ishte mbi kofshën timen – dhe ajo u rëndua aq shumë saqë u frikësova se do të ma thyente kofshën. Pastaj kjo gjendje u largua nga ai dhe Allahu i shpalli: "Me përjashtim të atyre që kanë ndonjë të metë (janë të paaftë)."