Transmeton Ebu Tha'lebe el-Hushaniu: Ebu Umeje esh-Sha'baniu tregon: Shkova te Ebu Tha'lebe el-Hushaniu dhe e pyeta: "Si vepron me këtë ajet?" Ai pyeti: "Cilin ajet?" Unë i thashë: "Fjalën e Allahut: 'O ju që besuat! Kini kujdes për veten tuaj! Nëse jeni në rrugë të drejtë, nuk ju dëmton ai që ka humbur (rrugën)' (El-Maide, 105)." Ai tha: "Pasha Allahun, unë e kam pyetur për këtë personin më të informuar; e kam pyetur të Dërguarin e Allahut (s.a.v.s.) dhe ai më tha: 'Përkundrazi, urdhëroni për të mirë dhe ndaloni nga e keqja, derisa të shihni se lakmia pasohet, epshet ndiqen, kjo botë preferohet dhe çdokush pëlqen mendimin e tij. Atëherë, kujdesu për veten tënde dhe lëri të tjerët. Pas jush do të vijnë ditë në të cilat durimi është si mbajtja e thëngjillit të ndezur. Atij që vepron vepra të mira në ato kohë, i takon shpërblimi i pesëdhjetë burrave që punojnë si ju'." U pyet: "O i Dërguari i Allahut, shpërblimi i pesëdhjetë burrave prej nesh apo prej tyre?" Ai (s.a.v.s.) u përgjigj: "Përkundrazi, shpërblimi i pesëdhjetë burrave prej jush."