Transmeton Ibn Abbasi: Një burrë nga fisi Benu Sehm doli për udhëtim së bashku me Temim ed-Dariun dhe Adi bin Bedain. Burri sehmi vdiq në një vend ku nuk kishte muslimanë. Kur ata u kthyen me pasurinë që ai kishte lënë pas, u vërejt se mungonte një enë argjendi e punuar me ar. I Dërguari i Allahut (s.a.v.s.) i kërkoi atyre të dyve të betoheshin. Më vonë ena u gjet në Mekë dhe njerëzit atje thanë: "E kemi blerë nga Adiu dhe Temimi." Atëherë dy burra nga afërmit e sehmiut u ngritën dhe u betuan në Allahun se dëshmia e tyre ishte më e drejtë se dëshmia e atyre të dyve dhe se ena i takonte shokut të tyre. Lidhur me këtë ngjarje u shpall ajeti: "O ju që besuat! Kur ndonjërit prej jush i qaset vdekja, dëshmia mes jush..." (el-Maide, 106).