Transmeton Enesi: Të Dërguarit të Allahut (s.a.v.s.) i sollën një enë me hurma të freskëta. Ai tha: "Shembulli i fjalës së mirë është si pema e mirë, rrënja e së cilës është e ngulitur fort, ndërsa degët e saj lartësohen në qiell. Ajo jep frutat e veta në çdo kohë me lejen e Zotit të saj." Ai tha: "Ajo është palma e hurmës." (Dhe shtoi): "Ndërsa shembulli i fjalës së keqe është si pema e keqe, e cila është shkulur nga sipërfaqja e tokës dhe nuk ka asnjë qëndrueshmëri." Ai tha: "Ajo është kolocinti (pjepri i egër)."