Transmeton Ubej ibn Kabi: Në ditën e Uhudit u vranë gjashtëdhjetë e katër burra nga Ensarët dhe gjashtë nga Muhaxhirët, një prej të cilëve ishte Hamzai. Pasi i panë të masakruar, Ensarët thanë: "Nëse ndonjë ditë arrijmë t'i mposhtim, do t'i masakrojmë ata edhe më rëndë." Ai tha: "Në ditën e Çlirimit të Mekës, Allahu shpalli: 'Nëse ndëshkoni, atëherë ndëshkoni me të njëjtën masë me të cilën jeni ndëshkuar; por nëse duroni, kjo është vërtet më e mirë për durimtarët.' Atëherë një burrë tha: 'Nuk do të ketë më Kurejsh pas kësaj dite.' Por i Dërguari i Allahut (s.a.v.s.) tha: 'Lërini njerëzit e qetë, përveç katër vetave.'"