Transmeton Ebu Hurejra:
Lidhur me fjalën e Allahut të Lartësuar: “(Kujto) ditën kur Ne do të thërrasim çdo grup njerëzish me prijësin e tyre” (17:71), Pejgamberi (s.a.v.s.) ka thënë: “Njëri prej jush do të thirret dhe do t’i jepet libri i tij në dorën e djathtë, trupi i tij do të rritet deri në gjashtëdhjetë krahë gjatësi, fytyra e tij do të zbardhet dhe në kokën e tij do të vendoset një kurorë prej margaritarësh shkëlqyes. Pastaj ai do të shkojë te shokët e tij, të cilët do ta shohin që nga larg e do të thonë: ‘O Allah! Na e sill këtë dhe na beko me të!’ Derisa ai të arrijë tek ata e t’u thotë: ‘Gëzohuni! Sepse për secilin prej jush do të ketë diçka të tillë.’ Ndërsa sa i përket kafirit, fytyra e tij do të nxirret, trupi i tij do të rritet deri në gjashtëdhjetë krahë gjatësi në formën e Ademit dhe do t’i vendoset një kurorë. Kur shokët e tij ta shohin, do të thonë: ‘Kërkojmë mbrojtje tek Allahu nga sherri i këtij. O Allah! Mos na e sill këtë!’ Kur ai të arrijë tek ata, ata do të thonë: ‘O Allah, poshtëroje atë!’ Atëherë do t'u thuhet: ‘Allahu ju largoftë! Vërtet, për secilin prej jush do të ketë diçka të tillë.’”