Transmeton Ibn Abasi lidhur me fjalën e Allahut: "Dhe mos e fal namazin tënd me zë të lartë, e as me zë shumë të ulët, por kërko një rrugë mes kësaj." Ai tha: "Kjo u shpall kur i Dërguari i Allahut (s.a.v.s.) fshihej në Mekë. Kur ai u priinte shokëve të tij në namaz, e ngrinte zërin gjatë leximit të Kuranit. Kur idhujtarët e dëgjonin, ata e fyenin Kuranin, Atë që e shpalli dhe atë që e solli atë. Atëherë Allahu i Madhëruar i tha Pejgamberit të Tij: 'Dhe mos e fal namazin tënd me zë të lartë', domethënë leximin tënd, që të mos e dëgjojnë idhujtarët e ta fyejnë Kuranin, 'e as me zë shumë të ulët' për shokët e tu, 'por kërko një rrugë mes kësaj'."