Transmeton Ebu Hurejre se Pejgamberi (s.a.v.s.), lidhur me pendën, ka thënë: "Ata e gërmojnë atë çdo ditë, derisa kur janë afër depërtimit të saj, udhëheqësi i tyre u thotë: 'Kthehuni, se do ta shponi nesër!' Por Allahu e kthen atë siç ishte më parë. Kjo vazhdon derisa të plotësohet koha e tyre dhe Allahu të dëshirojë t'i lëshojë ata mbi njerëzit, atëherë udhëheqësi i tyre thotë: 'Kthehuni, se do ta shponi nesër, në dashtë Allahu (InshaAllah)', duke bërë këtë përjashtim. Kur kthehen, e gjejnë atë ashtu siç e kishin lënë, e pastaj e shpojnë dhe dalin te njerëzit. Ata do ta pinë të gjithë ujin, ndërsa njerëzit do të ikin prej tyre. Atëherë ata do t'i gjuajnë shigjetat e tyre drejt qiellit dhe ato do të kthehen të lyera me gjak, e ata do të thonë me arrogancë e mendjemadhësi: 'I mposhtëm ata që janë në tokë dhe triumfuam mbi banorët e qiellit.' Atëherë Allahu do të dërgojë mbi ta krimba (nagaf) në qafat e tyre, të cilët do t'i shfarosin. Pasha Atë, në Dorën e të Cilit është shpirti i Muhamedit! Kafshët e tokës do të majmen dhe do të fryhen shumë nga mishi i tyre."