Transmeton Ebu Hurejre: Kur i Dërguari i Allahut (s.a.v.s.) po kthehej nga Hajberi, udhëtoi gjatë natës derisa e mundi gjumi dhe u ndal për të pushuar. Atëherë ai tha: "O Bilal! Na ruaj gjatë kësaj nate." Bilalli fali namaz, pastaj u mbështet pas devesë së tij me fytyrë nga agimi, por sytë e mundën dhe e zuri gjumi, kështu që asnjëri prej tyre nuk u zgjua. I pari që u zgjua ishte Pejgamberi (s.a.v.s.), i cili thirri: "O Bilal!" Bilalli tha: "Me babanë tim të qofsha falë, o i Dërguari i Allahut! Më pushtoi ajo që ju pushtoi edhe juve." Atëherë i Dërguari i Allahut (s.a.v.s.) tha: "Vazhdoni rrugën!" Pastaj ai u ndal, mori abdest, u thirr ikameti dhe e fali namazin ashtu siç falet në kohën e vet me qetësi. Pastaj tha: "Dhe faleni namazin për të më kujtuar Mua."