Transmeton Ibn Abbasi: I Dërguari i Allahut (s.a.v.s.) u ngrit për të mbajtur një hytbe dhe tha: "O ju njerëz! Ju do të tuboheni para Allahut të zhveshur dhe të pabërë synet." Pastaj ai lexoi: "Ashtu siç e filluam krijimin e parë, do ta përsërisim atë..." deri në fund të ajetit. Ai tha: "I pari që do të vishet në Ditën e Kiametit do të jetë Ibrahimi. Vërtet, disa burra nga umeti im do të sillen dhe do të merren nga ana e majtë, e unë do të them: 'O Zoti im! Shokët e mi!' Atëherë do të thuhet: 'Vërtet, ti nuk e di se çfarë kanë shpikur ata pas teje.' Atëherë unë do të them ashtu siç tha robi i mirë: 'Dhe unë isha dëshmitar i tyre sa isha mes tyre, por kur Ti më more, Ti ishe Mbikëqyrës i tyre. Nëse i dënon ata, ata janë robërit e Tu, e nëse i falë ata, Ti je i Plotfuqishmi, i Urti.' Atëherë do të më thuhet: 'Këta njerëz nuk kanë pushuar së kthyeri prapa që kur u ndave prej tyre.'"