Transmeton Enesi: Er-Rubeji bint en-Nadr erdhi te Pejgamberi (s.a.v.s.) – djali i saj, Harithe bin Suraka, ishte vrarë në ditën e Bedrit, i goditur nga një shigjetë e shkrepur prej dikujt të panjohur. Ajo i tha të Dërguarit të Allahut (s.a.v.s.): "Më trego për Harithen! Nëse ai ka arritur mirësinë, do të jem e durueshme dhe do të shpresoj në shpërblim. Por, nëse nuk e ka arritur mirësinë, do të përpiqem fort duke bërë dua për të." Pejgamberi (s.a.v.s.) i tha: "O nëna e Harithes! Vërtet, ka kopshte të shumta në Xhenet dhe djali yt ka arritur Firdevsin më të lartë. Firdevsi është pjesa më e lartë e Xhenetit, mesi i tij dhe pjesa më e mirë e tij."