Transmeton Aisheja: Kur i Dërguari i Allahut (s.a.v.s.) u urdhërua t'u jepte grave të tij të zgjidhnin, ai filloi me mua. Ai tha: "O Aishe! Unë do të të përmend diçka, prandaj mos u nxito (me përgjigje) derisa të këshillohesh me prindërit e tu." Ajo tha: "Ai e dinte se prindërit e mi nuk do të më urdhëronin të ndahesha prej tij." Ajo tha: "Pastaj Pejgamberi (s.a.v.s.) tha: 'Allahu i Madhëruar thotë: O Pejgamber! Thuaju bashkëshorteve tua: Nëse dëshironi jetën e kësaj bote dhe stolitë e saj, atëherë ejani...' derisa arriti te: '...për mirëbërëset prej jush një shpërblim të madh (33:28-29).'" Unë i thashë: "Për çfarë t'i këshilloj prindërit e mi? Unë vërtet dëshiroj Allahun, të Dërguarin e Tij dhe Botën Tjetër." Edhe gratë e tjera të Pejgamberit (s.a.v.s.) bënë të njëjtën gjë siç bëra unë.