Transmeton Omer bin Ebi Seleme: Kur i zbritën këto ajete Pejgamberit (s.a.v.s.) në shtëpinë e Ummu Selemes: "Allahu dëshiron vetëm t'ju largojë ndytësinë nga ju, o anëtarë të familjes, dhe t'ju pastrojë me një pastrim të plotë" (33:33), ai thirri Fatimen, Hasanin e Husajnin dhe i mbuloi me një gunë, ndërsa Aliu ishte pas shpinës së tij, kështu që edhe atë e mbuloi me të, e pastaj tha: "O Allah! Këta janë njerëzit e shtëpisë sime, prandaj largoje ndytësinë prej tyre dhe pastroi me një pastrim të plotë." Ummu Seleme tha: "Po unë, o Pejgamber i Allahut?" Ai tha: "Ti je në vendin tënd dhe ti je në të mirë."