Transmeton Ummu Hani bint Ebi Talib:

I Dërguari i Allahut (s.a.v.s.) më kërkoi dorën për martesë, por unë i kërkova që të më falte, andaj ai më fali. Pastaj Allahu i Lartësuar shpalli ajetin: "O Pejgamber! Ne t’i kemi lejuar për ty bashkëshortet e tua, të cilave u ke dhënë dhuratën e martesës, dhe ato që i ke nën pushtetin tënd nga ajo që Allahu të ka dhënë si plaçkë lufte, edhe vajzat e xhaxhallarëve të tu, vajzat e hallave tua, vajzat e dajave të tu e vajzat e tezeve tua, të cilat kanë mërguar bashkë me ty, si dhe një grua besimtare, nëse ajo ia dhuron veten e saj Pejgamberit..." Ajo tha: "Andaj unë nuk isha e lejuar për të, sepse nuk kisha bërë hixhret; unë isha prej atyre që kishin pranuar Islamin pas çlirimit të Mekës (tuleka)."