Transmeton Ibn Abasi: Të gjitha llojet e grave ishin të ndaluara për të Dërguarin e Allahut (s.a.v.s.), përveç grave besimtare prej atyre që kishin emigruar. Allahu ka thënë: "Nuk të lejohen ty gratë e tjera pas kësaj, as t'i ndërrosh ato me gra të tjera, edhe nëse të mahnit bukuria e tyre, përveç atyre që i ke nën pushtetin tënd." (33:52). Allahu i bëri të lejuara vashat tuaja besimtare dhe "një grua besimtare, nëse ajo ia fal veten Pejgamberit" (33:50), ndërsa e ndaloi çdo grua të ndonjë feje tjetër përveç Islamit. Pastaj Ai tha: "Ai që mohon besimin, vepra e tij ka dështuar dhe ai në botën tjetër do të jetë nga të humburit." (5:5). Dhe Ai tha: "O Pejgamber, Ne t'i kemi lejuar gratë e tua, të cilave u ke dhënë dhuratën e martesës, dhe ato që i ke nën pushtetin tënd, nga ato që Allahu t'i ka dhënë si pre lufte..." deri te fjala e Tij: "...një privilegj vetëm për ty, jo edhe për besimtarët e tjerë." (33:50). Ai i ndaloi llojet e tjera të grave.