Transmeton Ebu Mes'ud el-Ensariu: I Dërguari i Allahut (s.a.v.s.) erdhi te ne ndërsa ishim ulur në një tubim të Sad bin Ubadës. Beshir bin Sadi i tha: "Allahu na ka urdhëruar të dërgojmë salavate mbi ty, po si të dërgojmë salavate mbi ty?" I Dërguari i Allahut (s.a.v.s.) heshti derisa dëshiruam që ai të mos e kishte pyetur fare. Pastaj i Dërguari i Allahut (s.a.v.s.) tha: "Thuani: O Allah, dërgo salavate mbi Muhamedin dhe mbi familjen e Muhamedit, ashtu siç ke dërguar salavate mbi familjen e Ibrahimit, dhe bekoje Muhamedin dhe familjen e Muhamedit, ashtu siç e bekove familjen e Ibrahimit në mbarë botët. Vërtet, Ti je i Lavdëruar dhe i Madhëruar. Ndërsa selami është ashtu siç e keni mësuar."