Transmeton Ibn Abasi: Teksa i Dërguari i Allahut (s.a.v.s.) ishte ulur me një grup prej shokëve të tij, u pa një yll duke rënë që shndriste. I Dërguari i Allahut (s.a.v.s.) i pyeti: "Çfarë thoshit për një gjë të tillë në kohën e injorancës (Xhahilijetit) kur e shihnit?" Ata thanë: "Thonim se ka vdekur ndonjë njeri i madh ose ka lindur ndonjë njeri i madh." I Dërguari i Allahut (s.a.v.s.) tha: "Në fakt, ai nuk hidhet as për vdekjen e askujt e as për lindjen e tij. Por, kur Zoti ynë, i Madhëruar qoftë, cakton një çështje, mbartësit e Arshit bëjnë tesbih (e madhërojnë Atë), pastaj bëjnë tesbih banorët e qiellit që vijnë pas tyre, derisa ky tesbih të arrijë në qiellin e kësaj bote. Pastaj banorët e qiellit të gjashtë i pyesin banorët e qiellit të shtatë: 'Çfarë tha Zoti juaj?' Ata i njoftojnë, e kështu njoftohen banorët e çdo qielli derisa lajmi të arrijë te banorët e qiellit të kësaj bote. Djajtë përpiqen ta vjedhin dëgjimin, prandaj ata qëllohen dhe ua përcjellin atë (lajmin) miqve të tyre. Ajo që ata sjellin ashtu siç është, është e vërtetë, por ata e tjetërsojnë dhe i shtojnë asaj."