Transmeton Ibn Abbasi:

I dërguari i Allahut (s.a.v.s.) ka thënë: "Gjatë natës, Zoti im, i Bekuar dhe i Lartësuar qoftë Ai, më erdhi në formën më të bukur" – transmetuesi thotë: besoj se ka thënë: në ëndërr – "dhe më tha: 'O Muhamed! A e di se për çfarë bisedon parësia më e lartë (melaqet)?' I thashë: 'Jo.' Atëherë Ai e vendosi Dorën e Tij mes shpatullave të mia, saqë ndjeva freskinë e saj në mes të gjoksit tim" – ose tha: "në fytin tim – kështu që mësova çdo gjë që është në qiej dhe në tokë. Ai më tha: 'O Muhamed! A e di se për çfarë bisedon parësia më e lartë?' I thashë: 'Po, për veprat që fshijnë mëkatet (keffaret).' E veprat që fshijnë mëkatet janë: qëndrimi në xhami pas namazeve, ecja me këmbë drejt xhemateve dhe marrja e plotë e abdestit edhe në kushte të vështira. Kushdo që i bën këto, do të jetojë me mirësi, do të vdesë me mirësi dhe do të jetë i pastër nga mëkatet e tij sikur në ditën kur e lindi nëna e tij. Ai tha: 'O Muhamed! Kur të falësh namazin, thuaj: O Allah! Unë kërkoj prej Teje kryerjen e punëve të mira, lënien e punëve të këqija, dashurinë ndaj të varfërve dhe, nëse dëshiron t'i sprovosh robërit e Tu, atëherë më merr pranë Teje pa u sprovuar (pa rënë në fitne).' Ai tha: 'Ndërsa gradat e larta arrihen përmes: përhapjes së selamit, dhënies së ushqimit dhe faljes së namazit gjatë natës, ndërkohë që njerëzit janë në gjumë.'"