Transmeton Ebu Hurejre: Një hebre në tregun e Medines tha: "Jo, pasha Atë që e zgjodhi Musain mbi të gjithë njerëzit!" Një burrë nga ensarët e ngriti dorën dhe e goditi atë në fytyrë, duke i thënë: "Ti e thua këtë ndërkohë që i Dërguari i Allahut (s.a.v.s.) është mesin tonë?" Atëherë i Dërguari i Allahut (s.a.v.s.) tha: "Dhe do t'i fryhet Surit, e do të mbeten pa ndjenja çka ka në qiej e çka ka në tokë, përveç atyre që do Allahu. Pastaj do t'i fryhet atij për të dytën herë, e ja, ata do të jenë në këmbë e do të vështrojnë. Unë do të jem i pari që do ta ngrejë kokën dhe ja, Musai do të jetë i kapur për njërën prej këmbëve të Arshit. Nuk e di nëse ai e ka ngritur kokën para meje, apo ka qenë prej atyre që Allahu i ka përjashtuar. Dhe kushdo që thotë se unë jam më i mirë se Junus bin Meta, ai vetëm se ka gënjyer."