Transmeton Abdullah bin ez-Zubejri: El-Akra' bin Habis erdhi te Pejgamberi (s.a.v.s.), me çfarë rasti Ebu Bekri tha: "O i Dërguari i Allahut! Emëroje atë udhëheqës mbi popullin e tij." Omeri tha: "Mos e emëro atë, o i Dërguari i Allahut!" Ata të dy vazhduan të bisedonin në prani të Pejgamberit (s.a.v.s.) derisa i ngritën zërat e tyre. Atëherë Ebu Bekri i tha Omerit: "Ti nuk dëshirove gjë tjetër, përveçse të më kundërshtosh mua." Omeri u përgjigj: "Nuk dëshirova të të kundërshtoj." Atëherë zbriti ky ajet: "O ju që besuat, mos i ngrini zërat tuaj mbi zërin e Pejgamberit." Pas kësaj, kur Omeri fliste para Pejgamberit (s.a.v.s.), ai fliste aq ulët saqë (Pejgamberi) duhej t'i kërkonte sqarim derisa ta kuptonte, sepse nuk ia dëgjonte dot fjalën. Ibn ez-Zubejri nuk e përmendi gjyshin e tij (Ebu Bekrin) në këtë pjesë të fundit të rrëfimit.