Transmeton Abdullah b. Mes'udi: Kur i Dërguari i Allahut (s.a.v.s.) arriti te Sidretul-Munteha, ai tha: "Aty përfundon gjithçka që ngjitet nga toka dhe gjithçka që zbret nga lart." Atje Allahu i dha atij tri gjëra, të cilat nuk ia kishte dhënë asnjë pejgamberi para tij: iu bënë obligim pesë namazet, iu dhanë vargjet e fundit të sures el-Bekare dhe iu falën mëkatet e rënda atyre prej umetit të tij që nuk i shoqërojnë Allahut asgjë në adhurim. Lidhur me ajetin: "Kur Sidrën e mbuloi ajo që e mbuloi", Ibn Mes'udi tha: "Sidra është në qiellin e gjashtë." Sufjani tha: "Flutura prej ari", duke bërë me dorë një lëvizje dridhëse. Të tjerë kanë thënë: "Aty përfundon dituria e krijesave dhe ata nuk kanë njohuri për atë që ndodhet përmbi të."