Transmeton Ibn Abbasi: Një burrë e pyeti atë rreth këtij ajeti: "O ju që keni besuar! Vërtet, prej grave tuaja dhe fëmijëve tuaj keni armiq, andaj kini kujdes ndaj tyre!" Ai tha: "Këta ishin disa burra që pranuan Islamin në Mekë dhe dëshironin të shkonin te Pejgamberi (s.a.v.s.), por gratë dhe fëmijët e tyre nuk i lejuan të shkonin te i Dërguari i Allahut (s.a.v.s.). Kur ata më në fund erdhën te i Dërguari i Allahut (s.a.v.s.) dhe panë se njerëzit e tjerë kishin përfituar njohuri të madhe në fe, deshtën t’i ndëshkonin familjet e tyre. Atëherë Allahu i Madhëruar shpalli ajetin: 'O ju që keni besuar! Vërtet, prej grave tuaja dhe fëmijëve tuaj keni armiq, andaj kini kujdes ndaj tyre!'"