Transmeton Ibn Abbasi: Xhindet ngjiteshin në qiej për të përgjuar Shpalljen. Kur dëgjonin një fjalë, i shtonin asaj nëntë të tjera. Fjala që dëgjonin ishte e vërtetë, ndërsa ajo që shtonin ishte e rreme. Kur u dërgua i Dërguari i Allahut (s.a.v.s.), ata u penguan nga vendet e tyre të qëndrimit. Ata ia përmendën këtë Iblisit – ndërkohë që yjet nuk gjuheshin (ndaj tyre) para kësaj. Iblisi u tha: "Kjo nuk është asgjë tjetër veçse një ngjarje që ka ndodhur në tokë." Ai dërgoi ushtritë e tij dhe ata e gjetën të Dërguarin e Allahut (s.a.v.s.) duke falur Namaz mes dy maleve – mendoj se ka thënë: "në Mekë". Ata u kthyen dhe e informuan atë, e ai tha: "Kjo është ngjarja që ka ndodhur në tokë."