Transmeton Xhabir bin Abdullahu: Disa njerëz prej hebrenjve i thanë disa prej shokëve të Pejgamberit (s.a.v.s.): "A e di Pejgamberi juaj se sa është numri i rojtarëve të Xhehenemit?" Ata u përgjigjën: "Nuk e dimë derisa ta pyesim Pejgamberin tonë." Pastaj një burrë erdhi te Pejgamberi (s.a.v.s.) dhe i tha: "O Muhamed! Shokët e tu u mposhtën sot." Ai tha: "E si u mposhtën?" Ai u përgjigj: "Hebrenjtë i pyetën nëse Pejgamberi i tyre e di numrin e rojtarëve të Xhehenemit." Ai pyeti: "E çfarë thanë ata?" Ai u përgjigj: "Thanë: 'Nuk e dimë derisa ta pyesim Pejgamberin tonë'." Ai (s.a.v.s.) tha: "A mposhtet një popull që pyetet për diçka që nuk e di e thonë 'nuk e dimë derisa ta pyesim Pejgamberin tonë'? Përkundrazi, ata e kishin pyetur pejgamberin e tyre duke i thënë: 'Na e trego Allahun haptazi'. Unë do t'i pyes armiqtë e Allahut për dheun e Xhenetit, i cili është Darmak." Kur ata erdhën, thanë: "O Ebul-Kasim! Sa është numri i rojtarëve të Xhehenemit?" Ai tha: "Kaq dhe kaq", duke treguar një herë dhjetë dhe një herë nëntë. Ata thanë: "Po." Pejgamberi (s.a.v.s.) i pyeti: "Çfarë është dheu i Xhenetit?" Ata heshtën për pak e pastaj thanë: "Është si bukë, o Ebul-Kasim." I Dërguari i Allahut (s.a.v.s.) tha: "Buka është prej Darmakut."