Transmeton Enesi se Pejgamberi (s.a.v.s.) ka thënë: “Kur Allahu krijoi tokën, ajo filloi të dridhej. Atëherë Ai krijoi malet dhe i vendosi mbi të, kështu ajo u stabilizua. Engjëjt u mrekulluan nga fortësia e maleve dhe thanë: ‘O Zot! A ka ndonjë nga krijesat Tuaja që është më e fortë se malet?’ Ai tha: ‘Po, hekuri.’ Ata thanë: ‘O Zot! A ka ndonjë nga krijesat Tuaja që është më e fortë se hekuri?’ Ai tha: ‘Po, zjarri.’ Ata thanë: ‘O Zot! A ka ndonjë nga krijesat Tuaja që është më e fortë se zjarri?’ Ai tha: ‘Po, uji.’ Ata thanë: ‘O Zot! A ka ndonjë nga krijesat Tuaja që është më e fortë se uji?’ Ai tha: ‘Po, era.’ Ata thanë: ‘O Zot! A ka ndonjë nga krijesat Tuaja që është më e fortë se era?’ Ai tha: ‘Po, biri i Ademit. Ai jep sadaka me dorën e tij të djathtë, duke e fshehur atë nga dora e tij e majtë.’”