Transmetojnë Ebu Seidi dhe Ebu Hurejre se Pejgamberi (s.a.v.s.) ka thënë: "Kush thotë: 'S'ka zot tjetër që meriton të adhurohet përveç Allahut dhe Allahu është më i Madhi' (La ilahe il-lallah, vAllahu ekber), Zoti i tij e vërteton thënien e tij dhe thotë: 'S'ka zot tjetër përveç Meje dhe Unë jam më i Madhi'. Kur ai thotë: 'S'ka zot tjetër që meriton të adhurohet përveç Allahut, i Vetëm' (La ilahe il-lallah, vahdehu), Allahu thotë: 'S'ka zot tjetër përveç Meje dhe Unë jam i Vetëm'. Kur ai thotë: 'S'ka zot tjetër që meriton të adhurohet përveç Allahut, i Vetëm dhe pa ortak' (La ilahe il-lallah, vahdehu la sherike lehu), Allahu thotë: 'S'ka zot tjetër përveç Meje, i Vetëm dhe pa asnjë ortak'. Kur ai thotë: 'S'ka zot tjetër që meriton të adhurohet përveç Allahut, Atij i takon sundimi dhe Atij i takon lavdërimi' (La ilahe il-lallah, lehul-mulku ve lehul-hamdu), Allahu thotë: 'S'ka zot tjetër përveç Meje, Mua më takon sundimi dhe Mua më takon lavdërimi'. Dhe kur ai thotë: 'S'ka zot tjetër që meriton të adhurohet përveç Allahut, dhe nuk ka fuqi e as forcë përveçse me ndihmën e Allahut' (La ilahe il-lallah, ve la havle ve la kuvvete il-la bil-lah), Allahu thotë: 'S'ka zot tjetër përveç Meje, dhe nuk ka fuqi e as forcë përveçse me ndihmën Time'." Pejgamberi (s.a.v.s.) gjithashtu thoshte: "Kush i thotë këto fjalë gjatë sëmundjes së tij e pastaj vdes, Zjarri nuk do ta djegë atë."