Transmeton Ibn Abbasi:

Hyra bashkë me të Dërguarin e Allahut (s.a.v.s.), unë dhe Halid bin el-Velidi, te Mejmuneja, e cila na solli një enë me qumësht. I Dërguari i Allahut (s.a.v.s.) piu prej tij. Unë isha në të djathtën e tij, ndërsa Halidi në të majtën e tij, andaj ai më tha: "Radha për të pirë është e jotja, por nëse dëshiron, mund t'ia japësh Halidit." Unë i thashë: "Nuk do t'ia jepja askujt përparësinë ndaj asaj që ka mbetur pas teje." Atëherë i Dërguari i Allahut (s.a.v.s.) tha: "Atë që Allahu e ushqen me ndonjë ushqim, le të thotë: 'O Allah, na e beko këtë dhe na jep të hamë diçka edhe më të mirë se kjo' (Allahumme barik lena fihi ve at’imna hajran minhu). Ndërsa atij që Allahu i jep të pijë qumësht, le të thotë: 'O Allah, na e beko këtë dhe na e shto atë' (Allahumme barik lena fihi ve zidna minhu)." I Dërguari i Allahut (s.a.v.s.) gjithashtu tha: "Nuk ka asgjë që mund ta zëvendësojë ushqimin dhe pijen përveç qumështit."