Transmeton Amr bin Shu'ajbi, nga babai i tij, nga gjyshi i tij, se i Dërguari i Allahut (s.a.v.s.) ka thënë: “Kush e lartëson Allahun njëqind herë në mëngjes dhe njëqind herë në mbrëmje, është si ai që ka kryer Haxhin njëqind herë. Kush e falënderon Allahun njëqind herë në mëngjes dhe njëqind herë në mbrëmje, është si ai që ka pajisur njëqind kuaj në rrugën e Allahut – ose ka thënë – ka marrë pjesë në njëqind ekspedita ushtarake. Kush e dëshmon njëshmërinë e Allahut njëqind herë në mëngjes dhe njëqind herë në mbrëmje, është si ai që ka liruar njëqind robër nga pasardhësit e Ismajlit. Dhe kush e madhëron Allahun njëqind herë në mëngjes dhe njëqind herë në mbrëmje, askush nuk do të vijë në atë ditë me diçka më të madhe se ajo që ka sjellë ai, përveç atij që ka thënë si ai ose ka shtuar më shumë.”