Transmeton Imran bin Husejni: Pejgamberi (s.a.v.s.) i tha babait tim: "O Husejn, sa zota adhuron sot?" Ai u përgjigj: "Shtatë. Gjashtë në tokë dhe një në qiell." Ai (s.a.v.s.) e pyeti: "Cilin prej tyre e thërret për lutjet dhe frikërat e tua?" Ai u përgjigj: "Atë që është në qiell." Atëherë ai (s.a.v.s.) i tha: "O Husejn, sikur të pranoje Islamin, do të t'i mësoja dy fjali që do të të bënin dobi." Kur Husejni pranoi Islamin, tha: "O i Dërguari i Allahut, më mëso ato dy fjali që më premtove." Ai (s.a.v.s.) tha: "Thuaj: O Allah, më frymëzo me udhëzimin tim dhe më mbro nga e keqja e vetes sime (Allāhumma alhimnī rushdī, wa a`idhnī min sharri nafsī)."