Transmeton Omer bin el-Hatabi: I Dërguari i Allahut (s.a.v.s.) na urdhëroi të jepnim sadaka dhe kjo përkoi me një kohë kur unë kisha pasuri. Thashë me vete: "Sot do ta kaloj Ebu Bekrin, nëse ka ndonjë ditë që mund ta kaloj atë." Kështu, solla gjysmën e pasurisë sime dhe i Dërguari i Allahut (s.a.v.s.) më pyeti: "Çfarë ke lënë për familjen tënde?" Thashë: "Aq sa solla." Ndërsa Ebu Bekri erdhi me të gjithë pasurinë që kishte, dhe ai (s.a.v.s.) e pyeti: "O Ebu Bekër, çfarë ke lënë për familjen tënde?" Ai u përgjigj: "U kam lënë atyre Allahun dhe të Dërguarin e Tij." Atëherë thashë: "Pasha Allahun, kurrë nuk do të mund ta kaloj atë në asnjë vepër."