Transmeton Ebu Hurejre: Një beduin i dha si dhuratë të Dërguarit të Allahut (s.a.v.s.) një deve të re, prandaj ai (s.a.v.s.) si shpërblim ia dha gjashtë deve të reja. Mirëpo, ai nuk mbeti i kënaqur. Kur ky lajm arriti te Pejgamberi (s.a.v.s.), ai e lavdëroi Allahun dhe e lartësoi Atë, e pastaj tha: "Vërtet, filani më dha si dhuratë një deve dhe unë ia shpërbleva me gjashtë deve të reja, por ai prapë mbeti i pakënaqur. Kam vendosur që të mos pranoj dhuratë përveçse nga një kurejshit, ensari, thekafit ose dousit."