Transmeton Ebu Dherri se Pejgamberi (s.a.v.s.) përcjell nga Allahu i Madhërishëm se Ai ka thënë: "O robërit e Mi! Unë ia kam ndaluar padrejtësinë Vetes Sime dhe e kam bërë atë të ndaluar edhe mes jush, prandaj mos i bëni padrejtësi njëri-tjetrit. O robërit e Mi! Ju gaboni natë e ditë, ndërsa Unë i fal të gjitha mëkatet; prandaj kërkoni falje prej Meje që t'ju fal. O robërit e Mi! Të gjithë ju jeni të uritur, përveç atij që Unë e ushqej, andaj kërkoni prej Meje t'ju ushqej që t'ju ushqej. O robërit e Mi! Të gjithë ju jeni të zhveshur, përveç atij që Unë e vesh, andaj kërkoni prej Meje t'ju vesh që t'ju vesh. O robërit e Mi! Sikur i pari dhe i fundit prej jush, njerëzit dhe xhindet tuaj, të ishin të devotshëm si zemra më e devotshme e njërit prej jush, kjo nuk do të shtonte asgjë në sundimin Tim. Sikur i pari dhe i fundit prej jush, njerëzit dhe xhindet tuaj, të ishin të prishur si zemra më e prishur e njërit prej jush, kjo nuk do të pakësonte asgjë nga sundimi Im. O robërit e Mi! Sikur i pari dhe i fundit prej jush, njerëzit dhe xhindet tuaj, të mblidheshin në një vend e të kërkonin prej Meje, dhe Unë t'i jepja secilit atë që kërkon, kjo nuk do të pakësonte asgjë nga ajo që kam Unë, përveçse aq sa pakëson deti kur në të zhytet një fije peri. O robërit e Mi! Këto janë vetëm veprat tuaja, të cilat Unë i llogaris për ju; kush gjen mirë, le ta falënderojë Allahun, e kush gjen ndryshe, le të mos fajësojë askënd përveç vetes së tij." (Ebu Idrisi, kur e tregonte këtë hadith, ulej në gjunjë).