Transmeton Vail bin Huxhri:

Thashë: "Do ta vëzhgoj patjetër namazin e të Dërguarit të Allahut (s.a.v.s.) për të parë se si falet." Ai u ngrit dhe mori tekbir, duke i ngritur duart derisa i barazoi me veshët e tij, pastaj vendosi dorën e djathtë mbi shpinën e shuplakës së majtë. Kur deshi të bënte ruku, i ngriti duart po ashtu dhe i vendosi duart mbi gjunjët e tij. Pastaj e ngriti kokën dhe i ngriti duart po ashtu. Pastaj ra në sexhde dhe i vendosi shuplakat e duarve në nivel me veshët e tij. Më pas u ul dhe e shtroi këmbën e tij të majtë, vendosi shuplakën e majtë mbi kofshën dhe gjurin e tij të majtë, ndërsa bërrylin e tij të djathtë e vendosi mbi kofshën e tij të djathtë. Pastaj i mblodhi dy gishta, formoi një rreth dhe e ngriti gishtin tregues; e pashë duke e lëvizur atë e duke u lutur me të.

Më vonë, erdha në një kohë kur mbretëronte i ftohti dhe i pashë njerëzit me rroba të trasha duke i lëvizur duart e tyre (për tekbir) nga nën rrobat.