Transmeton Xhabiri: Pejgamberi (s.a.v.s.) ka thënë: "Çdo pronar i deveve, lopëve apo dhenve, i cili nuk e jep të drejtën (hakun) e tyre, Ditën e Kiametit do të ulet në një lëndinë të rrafshët ku ato do ta shkelin me thundrat e tyre dhe do ta godasin me brirët e tyre. Atë ditë, asnjëra prej tyre nuk do të jetë pa brirë apo me brirë të thyer." Ata pyetën: "O i Dërguari i Allahut, e cila është e drejta e tyre?" Ai u përgjigj: "Lejimi i mbarështimit (përdorimi i mashkullit), huazimi i kovës, dhënia e tyre si dhuratë (për shfrytëzimin e qumështit), mjelja e tyre pranë burimit të ujit dhe përdorimi i tyre për bartje në rrugë të Allahut."