Transmeton Ma'n ibn Jezidi: I dhashë besën e besnikërisë të Dërguarit të Allahut (s.a.v.s.), unë, babai im dhe gjyshi im. Ai ndërmjetësoi për fejesën time dhe më martoi. Një herë pata një mosmarrëveshje me babanë tim dhe shkuam te ai. Babai im, Jezidi, kishte nxjerrë disa dinarë për t'i dhënë sadaka dhe i kishte lënë te një njeri në xhami. Unë shkova, i mora ato dhe ia solla atij. Ai më tha: "Pasha Allahun, nuk e kisha ndërmend të t'i jepja ty." Atëherë e dërgova çështjen te i Dërguari i Allahut (s.a.v.s.), i cili tha: "Ty të takon ajo që ke pasur për qëllim, o Jezid, ndërsa ty, o Ma'n, të takon ajo që ke marrë."