Transmeton Ebu Katade: I Dërguari i Allahut (s.a.v.s.) u ngrit, mbajti një hytbe, e lavdëroi Allahun dhe i thuri lavde Atij. Pastaj përmendi Xhihadin, duke mos cilësuar asgjë më të vlefshme se ai, përveç obligimeve (farzeve). Atëherë u ngrit një burrë dhe tha: "O i Dërguari i Allahut, nëse vritem në rrugën e Allahut, a do të shërbejë kjo si shlyerje për gjynahet e mia?" I Dërguari i Allahut (s.a.v.s.) u përgjigj: "Po, nëse vritesh duke qenë i durueshëm, duke kërkuar shpërblimin prej Allahut, duke qëndruar përballë armikut dhe duke mos ikur, përveç borxhit, sepse kështu më njoftoi Xhibrili."