Transmeton Ubade bin es-Samiti: I Dërguari i Allahut (s.a.v.s.) ka thënë: "Kush dëshiron takimin me Allahun, Allahu e dëshiron takimin me të, dhe kush e urren takimin me Allahun, Allahu e urren takimin me të." Atëherë Aishja ose ndonjë prej bashkëshorteve të tij tha: "Ne e urrejmë vdekjen." Ai tha: "Nuk është ashtu, por besimtarit, kur i vjen vdekja, i jepet lajmi i mirë për kënaqësinë e Allahut dhe nderimin e Tij, prandaj asgjë nuk është më e dashur për të sesa ajo që e pret përpara. Kështu, ai dëshiron takimin me Allahun dhe Allahu dëshiron takimin me të. Ndërsa pabesimtarit, kur i vjen vdekja, i jepet lajmi për dënimin e Allahut dhe ndëshkimin e Tij, prandaj asgjë nuk është më e urryer për të sesa ajo që e pret përpara. Kështu, ai e urren takimin me Allahun dhe Allahu e urren takimin me të."