Transmeton El-Hasani: Pejgamberi (s.a.v.s.) doli në el-Baki dhe pa një burrë që po shitej. Ai (s.a.v.s.) iu afrua dhe bëri pazar për të, por pastaj e la. Një burrë tjetër e pa, e bleu dhe e liroi, pastaj erdhi me të te Pejgamberi (s.a.v.s.) e i tha: "Unë e bleva këtë dhe e lirova, çfarë mendon për të?" Ai (s.a.v.s.) tha: "Ai është vëllai yt dhe i liri yt." Ai pyeti: "Çfarë mendon për shoqërinë me të?" Ai (s.a.v.s.) u përgjigj: "Nëse ai të falënderon, kjo është më mirë për të dhe më keq për ty; e nëse ai është mosmirënjohës ndaj teje, kjo është më mirë për ty dhe më keq për të." Ai pyeti: "Po për pasurinë e tij?" Ai (s.a.v.s.) tha: "Nëse ai vdes dhe nuk lë asnjë trashëgimtar nga dega e mashkullit (asabah), atëherë ti je trashëgimtari i tij."