Transmeton Ebu Derda:

Ishim me të Dërguarin e Allahut (s.a.v.s.), kur ai i drejtoi sytë nga qielli dhe tha: "Kjo është koha kur dija do të merret prej njerëzve, derisa ata të mos kenë më asnjë mundësi për të përfituar prej saj." Ziad bin Lebid el-Ensariu tha: "O i Dërguari i Allahut, si do të merret dija prej nesh kur ne e kemi lexuar Kuranin? Pasha Allahun, ne do ta lexojmë atë dhe do t'ua mësojmë grave dhe fëmijëve tanë." Ai (s.a.v.s.) tha: "Të faltë nëna o Ziad! Unë vërtet të konsideroja ty prej dijetarëve të Medines. Ja ku janë Tevrati dhe Inxhili te hebrenjtë dhe të krishterët, por çfarë dobie u sollën atyre?" Xhubejri tregon se më pas takoi Ubade bin Samitin dhe i tha: "A nuk po dëgjon se çfarë thotë vëllai yt Ebu Derda?" dhe e njoftoi për ato që kishte thënë. Ubade tha: "Të vërtetën ka thënë Ebu Derda. Nëse dëshiron, do të të tregoj për dijen e parë që do të hiqet prej njerëzve: ajo është përulësia (hushui). Së shpejti do të hysh në një xhami ku falet xhemati dhe nuk do të shohësh në të asnjë njeri të përulur."