Transmeton Aishja: Asmaja e pyeti të Dërguarin e Allahut (s.a.v.s.) rreth guslit pas menstruacioneve. Ai tha: "Secila prej jush duhet të marrë ujë dhe gjethe sidri e të pastrohet mirë apo plotësisht. Pastaj të derdhë ujë mbi kokën e saj dhe ta fërkojë fort derisa uji të arrijë rrënjët e flokëve. Pastaj të derdhë ujë mbi vete dhe të marrë një copë pëlhure të parfumuar me misk e të pastrohet me të." Asmaja pyeti: "Si të pastrohem me të?" Ai tha: "Subhanallah! Pastrohu me të!" Aishja tha, duke i pëshpëritur: "Fshiji me të gjurmët e gjakut." Pastaj ajo e pyeti atë rreth guslit nga xhunubllëku. Ai tha: "Secila prej jush duhet të marrë ujë e të pastrohet mirë apo plotësisht, të derdhë ujë mbi kokën e saj e ta fërkojë derisa uji të arrijë rrënjët e flokëve, e më pas të derdhë ujë mbi të gjithë trupin e saj." Aishja tha: "Sa gra të shkëlqyera ishin gratë e Ensarëve! Turpi nuk i pengonte ato që të thelloheshin në njohuritë e fesë."