Transmeton Ebu Dherri: I është thënë Pejgamberit (s.a.v.s.) – e ndoshta Sufjani ka thënë: "I thashë: O i Dërguar i Allahut! Njerëzit me pasuri dhe bollëk na ua kaluan me shpërblime. Ata thonë atë që themi ne, dhe shpenzojnë (për hir të Allahut), ndërsa ne nuk shpenzojmë." Ai më tha: "A t'ju tregoj për diçka që, nëse e veproni, do t'i arrini ata që u kanë paraprirë dhe do t'ua kaloni atyre që vijnë pas jush? Falënderoni Allahun (thoni Elhamdulilah) pas çdo namazi, lartësoni Atë (thoni Subhanallah) dhe madhëroni Atë (thoni Allahu Ekber), nga tridhjetë e tri, tridhjetë e tri dhe tridhjetë e katër herë." Sufjani tha: "Nuk e di se cila prej tyre ishte ajo që thuhej tridhjetë e katër herë."