Transmeton Ebu Hurejre: Një burrë hyri në xhami dhe u fal, ndërkohë që i Dërguari i Allahut (s.a.v.s.) ishte në një anë të xhamisë. Ai erdhi dhe e përshëndeti, ndërsa Pejgamberi (s.a.v.s.) i tha: "Edhe ty (selami). Kthehu dhe falu, sepse ti nuk je falur." Ai u kthye dhe u fal, pastaj erdhi dhe e përshëndeti Pejgamberin (s.a.v.s.). Ai i tha: "Edhe ty (selami). Kthehu dhe falu, sepse ti ende nuk je falur." Për herë të tretë burri tha: "Më mëso, o i Dërguari i Allahut!" Ai (s.a.v.s.) tha: "Kur të ngrihesh për të falur namazin, merr abdest siç duhet, pastaj kthehu nga Kibla dhe merr tekbir (thuaj Allahu Ekber). Pastaj lexo çfarë të kesh më të lehtë nga Kurani, pastaj përkulu në ruku derisa të qetësohesh në të. Pastaj ngrihu derisa të qëndrosh plotësisht drejt, pastaj bëj sexhde derisa të qetësohesh në sexhde. Pastaj ngrije kokën derisa të ulesh drejt. Vepro kështu gjatë gjithë namazit tënd."