Transmeton Ajsheja: I Dërguari i Allahut (s.a.v.s.) e urdhëroi Ebu Bekrin që t’u prijë njerëzve në namaz gjatë sëmundjes së tij, dhe Ebu Bekri u printe atyre. Pastaj i Dërguari i Allahut (s.a.v.s.) u ndje pak më mirë dhe doli jashtë, kur Ebu Bekri po u printe njerëzve në namaz. Kur Ebu Bekri e pa atë, u tërhoq pas, por i Dërguari i Allahut (s.a.v.s.) i bëri shenjë që të qëndronte aty ku ishte. Pastaj i Dërguari i Allahut (s.a.v.s.) u ul pranë Ebu Bekrit. Ebu Bekri falej duke ndjekur namazin e të Dërguarit të Allahut (s.a.v.s.), ndërsa njerëzit faleshin duke ndjekur namazin e Ebu Bekrit.