Transmeton Amr bin Abasah: Shkova te i Dërguari i Allahut (s.a.v.s.) dhe i thashë: “A ka ndonjë kohë që është më e dashur për Allahun se tjetra?” Ai tha: “Po, mesi i natës. Fal namaz sa të duash derisa të agojë mëngjesi. Pastaj ndalo së faluri derisa të lindë dielli dhe derisa ai të duket si mburojë, derisa të shpërndahet drita. Pastaj falu sa të duash derisa shtylla të qëndrojë pingul mbi hijen e saj (mesdita), pastaj ndalo së faluri derisa dielli të kalojë zenitin, sepse Xhehenemi nxehet në mesditë. Pastaj falu sa të duash derisa të falësh namazin e Ikindisë, pastaj ndalo derisa të perëndojë dielli, sepse ai perëndon mes dy brirëve të shejtanit dhe lind mes dy brirëve të shejtanit.”