Transmeton Sehl bin Ebi Hathme se Pejgamberi (s.a.v.s.) ka thënë: Imami duhet të qëndrojë i kthyer nga Kibla, ndërsa një grup prej tyre të qëndrojë me të dhe një grup tjetër të qëndrojë në drejtim të armikut, me fytyrë nga rreshti i falësve. Ai u prin atyre në një rekat, pastaj ata bëjnë rukunë dhe dy sexhde vetë në vendin e tyre. Pastaj ata shkojnë e zënë vendin e të tjerëve, ndërsa të tjerët vijnë dhe falin një rekat, duke bërë rukunë dhe sexhdet me imamin. Kështu, ai do t'i ketë falur dy rekate, ndërsa ata një; pastaj ata falin edhe një rekat tjetër, duke bërë rukunë dhe dy sexhde.